[Ho]

终于都体验到考文综嘅滋味``原来的确好强大!~

强大到答历史问题似政治问题,

答地理问题写政治格式,

答历史问题又似番答政治问题``

个脑简直打晒交叉!~

居然被同学形容似系一碟炒饭~(-_-')

政治炒历史加地理`

然之后我地都好佩服出题个老师`

强大到可以出D甘综合性既题目~

考完试之后我就过家姐屋企烧烤喇~哈哈`

点知烧烧下个天竟然落雨~

当时既情况真系比较混乱,个个都话落雨啦落雨啦`

走晒入厅避雨,无人理个炉,但D火仲系烧到好猛~

好彩都系落一阵耐,过云雨~跟住有可以继续烧鸡翼啦!`

所以今晚食到好饱啊`~

剑蝶终于都上演喇,听tracey姐姐话唔多好睇,剧情好老套无咩新意净得庾澄庆搞笑~

然后睇网上D评论都似乎麻麻地``所以本来算系比较有兴趣都变到唔系好想睇~

但睇新闻啊Sa仲话过如果剑蝶唔红既话就唔姓蔡``似乎好有信心甘~

不过我林我都唔会去戏院睇架啦`皆因D书到货资金短缺~

哈哈,Lulu,我个2本<明朝>到手喇!~

旁听生已经系我右手边隔离一个星期

直至到琴日先正式甘叫过句~

果然不愧系美术生,cool得来十分感性~

不过有D神出鬼没,好多时上课都唔见人`

一有心情就会画画,句D素描我地偷睇过,好犀利啊!~

当然好不幸甘我都做过炮灰呢,呵呵~`O(∩_∩)O

唉唉唉~~本人宜家处于不佳状态当中~

成个人貌似谢晒甘样~~想训又训唔着,想写作业又无心机~~

真系.....我都唔知点形容~

反正就系,谢晒啦~~

放轻松~越紧张越糟糕~

其实我都无点紧张的~

下星期六考文综,300嘅试卷,唔知会考D咩综合题~

希望唔好差得太彻底啦~!!

---以下为广告时间---

RS十一月精彩节目预告:

1.首先就系宣扬咗好耐嘅200周年校庆

2.跟住就有推迟咗嘅环保时装show

3.跟住系校运会

4.当然仲会有文艺汇演

哈哈哈哈哈哈,校庆成个星期,越多节目越好~~

到时都番来探探我啦,大家~

相信RS会欢迎欢迎的~

而我都会热烈欢迎各位的~

期待ing~~

 你地个个都有节目,无奈今日我自己屈系屋企做宅女~

真系够闷的~于是乎,我又学识咗折太阳花~

即系十万吨情缘入面个种啊~

哈哈,估唔到我系呢方面D自学能力甘犀利个涡~

就系呢种啦:

哈哈哈哈~我折出来嘅都同呢朵差唔多架啦,真系劲啊!!! (自我陶醉当中~)

话说呢个国庆黄金假期就快又即将告一段落啦~

回顾下自己呢几日来的确系无点样做过D咩大件事~

平凡人嘅生活果然真系平凡啊~

好彩作业都系净番晒D唔识写嘅,都算完成晒自己D任务架啦~真系少有啊`

而我突然间醒起,原来语文老师叫过我地放假番屋企睇聊斋志异呢本书嘅~

哈哈哈哈,当然我系无睇过书,但电视剧都有睇过少少,系个个四川卫视~

其实点解我真系甘积极去睇呢,系 因为有彭于晏同刘品言~O(∩_∩)O哈哈~

所以我宜家度唔知点应付月考啊~~唉``

鉴于琴晚奋战到深夜3点,所以今日唔够黛玉撑,要成9点半先起到身~

然后,收到来自3个人的夺命追魂call~~话去唱K~

然后,我答应了,1点9到达~

然后,去到之后,发现自己受骗了~

本来以为最多都得6个人,但霎时间变成13个人,double还不止~

重点系,苏*坚同学(还是不打全名好了`)的同学十分之不友善,

不断甘优先距地自己D歌嘅同时都不断甘cut晒我地D歌~

然后,2首歌过后我地已经十分无瘾~

所以我地决定,开个个房自己唱,但原来十一唱K系会爆棚嘅,咩房都无晒~

然后,我地4个人呢(其中2个系我高一同学`),就狠心甘抛下苏晓,卑茶位钱就走人喇~

然后,我地就去桂州食呢个锦记豆腐花~(我对我初三我等成年都无得食嘅事仍然耿耿于怀`)

最后,我觉得自己好衰女,居然抛低苏晓自己去食豆腐花~

而且令到sunny同啊蛋十分之无奈而且无瘾,的确衰女咗一日~

唉,到宜家我仲好惭愧~估唔到自己都会有做衰女嘅一日~

最后,我承受紧良心嘅谴责~

最后,我唯有买番只李克勤DVD对苏晓作出补偿~

唉~真系衰女啊~

希望听日睇戏唔会出现D咩突发事件啦！

最近心理承受能力减弱啊~

终于都盼到十一呢个黄金假期

记得上年十一都系系呢度写低关于7日嘅也

而且我觉得下一个十一都将会系番呢度(如果不被封杀的话)

嗯,相信一直都会

-剑蝶-

同黛玉嘅睇戏计划破灭了

大地电影院个博客系呃人的,完全信唔过啊

无得睇吴尊无得睇啊sa~

-家访-

于08年9月29号晚我迎来高中以来的第一次家访

时限为15分钟

老师不断甘催眠我一定要学好呢个数学

当然我个目标好简单

只要合格就可以~

不过我林我需要好好甘努力下先可以达到

哈哈,总之就加油啦

-8班-

一直都觉得入8班唔知算系幸运定不幸

一直都觉得8班系強班

一直都觉得8班D人系强人

一直都觉得自己系8班无立足之地

一直都觉得自己系8班似乎好大压力

一直都觉得开学几耐我就系8班压抑咗几耐

一直都觉得自己嘅情绪系某日肯定会爆发

一直都觉得自己系8班真系好痛苦

系甘绝望嘅同时,仍然存在希望

系8班我可以识到红红,E.T同晶晶,坐系一个好好嘅4人小组入面

每日好压抑嘅同时都仲会觉得开心

-e-cafe-

今日大4人卡司一聚

虽然唔系好长时间

但可以坐埋一齐倾8卦

叹叹下午茶

甘样就已经好好啦

-作业-

虽然唔系话多到超负荷

但要背嘅也都足以吓死人

无奈文科生嘅命啊~

但我相信呢个决定系百分百正确嘅!(对于理科白痴嚟讲`)

-假期-

过埋呢个十一就无晒长假喇,真系悲哀~

唯有盼望开放日快D到来校庆快D到来~

至重要嘅系,过年快D到来,寒假快D到来~

继续悠长假期~

-放灯-
虽然中秋已经过了,但宜家我仲处于半兴奋状态~
哈哈,因为琴晚放孔明灯实在是太激动人心喇~
成大班人一齐玩,真系好开心~
睇住盏灯升上天空个阵仲开心~
我地仲写晒D愿望系上面,唔知D灯最后会降落系边度~
跟住又会卑D人见到我地D愿望呢??
哈哈.我林见到果个人实笑死~
因为我写好多[511世界第一~][初三四宇宙无敌~]之类嘅字句落去~
而且我地中途仲见到有人烧烟花啊~

-月光-
哈~唔知黛玉琴晚赏月嘅时候见到我飞上天嘅踪影呢??
有人话晒月光会晒黑人的~唔知真定假嘅
以下为句嘅解释:
句话月光本身无光嘅,句有光,全部都系太阳光,
跟住我地系度欣赏句,即系吸收紧太阳光.只不过系比较微弱哦~
但系都会晒黑人哦.哈哈~
呵呵,希望想晒黑嘅同学们可以尝试下呢种方法是否可行~

-blog-
发现好似宜家pixnet重开好似得番好少人用甘啊~
来来去去都系daiyo周婶多~点解你地个个都唔见晒嘅??
潜水潜得耐系时候要蒲头架喇~
lulu大静小曼葱姐你地快d上水啦~

-假期-
眨下眼就已经到最后一日嘅中秋假期啦~
真系番学个阵度日如年,放假个阵就日月如梭啊~
期待下一个十一假期!
更加期待十一假期去睇戏!
大家都一齐呢一齐呢一齐呢一齐呢~
好了,我都系时候要去奋斗下D作业先得了~

one
哈哈,甘又试过一个星期喇~
感觉上今个星期过得好快~
可能系因为我净番过一晚晚修啦``家姐结婚系唔同待遇D嘅~

two
学校D也就唔讲喇,因为来来去去都系甘~日复一日甘无聊~唉``
唯一值得一提嘅就系,宜家个座位地理位置比较优越
十分之容易地选择性听课,而且有个好好相处嘅同桌
大家都可能会有D印象,因为句以前系1班嘅~
同句坐埋齐成日都会发生D搞笑也
亦都因为句,我知道咗卢越以前初二定唔知初三果阵嘅一个秘密~
而第二样值得一提嘅呢就系,我发觉读文科D男生都好贵犀利
什么语文王子一号语文王子二号英语公主都系晒度,好劲啊句地`!!
而且写字又几靚,搞到我自己成日都好自卑啊~
人地D字系有个性,而我D字系整齐咋~呜呜呜~

three
至于宜家放假都无咩好讲~
今日下午同Daiyo虚度左几个钟,3日假期就甘就无咗一日,悲哀啊~
至于D作业就依然无写过,睇离我并非积极嘅学生
原来文科生真系好多也要背``!!

four
仲有唔够一个钟就到12点喇~
好兴奋啊,中秋啊``~~
姊妹们,亲手写写生日快乐卑我都得挂~
哈哈哈哈哈哈``
祝我快乐啦~~~~

 1.
开学礼吴剑平终于换左句每年都一模一样嘅开场白,
唔再系"Good morning ladies and gentermen"
而系"How are you,teachers and students~"
我估原因系可能句想卑个惊喜卑高一d新生
如果唔系句肯定唔改句d经典对白
皆因结束语依然系"Thank you very much"
真系专一啊校长~

2.
高一8班d同学无论上课下课都好安静啊~
高一8班d老师上课部分好热情啊~
(例如政治老师就系个种外表冷漠内里十分热情嘅人
又例如数学老师非常之唔介意我地话句同数学科代表有路)
高一8班绝大部分同学好积极啊~好勤奋啊~
(好明显绝对唔包括我~)
下课都"瓜不离凳"架~竟然到达呢种境界,犀利~
(瓜不离凳 呢个名词系我发明嘅 因为十分之适合形容句地)
身处呢个时刻潜伏危机嘅高一8班,点算好啊~
全部都系d唔声唔声吓你一惊嘅同学啊,点算好啊~
呢个文科班d人理科都有番甘上下水平,我呢个理科白痴点算好啊~

3.
语数英3科老师都系男人,真系难忍~(系某程度上)
以前英语课叫开miss宜家要叫mr~
而且个英语老师讲英文有好重家乡口音~
听力唔过关嘅系完全理解唔到句讲紧咩~
语文老师讲文言文简直就似天桥底讲古嘅甘~(但都讲得唔错嘅)
其实最重要嘅系,呢3科由星期2开始都会连堂~
星期2.语文语文 星期3.数学数学 星期4.英语英语~
由于调课关系,今日出现左经典画面:
黑板头3节都写住英语英语(包括早读都系英语)~
呢d就系文科班嘅悲哀~唉~

4.
关于调位
我地系每隔两个星期调次
调位嘅方式系:今次坐第一排第一个,下次就做第二排第二个,下下次就做第三排第三个......
如此类推,即系话无论高矮肥瘦都有机会坐第一或者最后尾
呢d就系班主任所谓嘅民主同公平
教历史嘅做班主任就有甘嘅下场

5.
关于放假
哈哈.下个星期我将会放好多日假~
其实应该话系请假先岩~
因为家姐结婚喇!!~~~结婚喇!!~~~
哈哈哈哈哈哈哈哈
请完假之后又放中秋架,兴奋~~~

End

 First.
距离上一篇日志已经大半年
自从pixnet卑封锁之后我地大家都无再用blog联络
其实系呢段期间发生过D咩我地互相都唔清楚
所以我决定以后会继续用呢个博客~
(皆因我真系唔多中意163`)
大家都回归啦回归啦`好无~
知道下各自近况都好啊嘛

Second.
如果无统计错误,除咗啊安同小曼之外,甘多位都系文科生!
2年后嘅高考我地就变咗考场上嘅敌人啦~
齐齐努力啦~

Third.
我地班有45个女生,得13个男生,而且仲系无一个入眼
简直系女人世界啊!!

Fourth.
开学啦开学啦,又要开学啦
高一嘅暑假就甘就过咗啦
真系"呼"一声就无咗
如果D作业都系"呼"一声就写晒,你地话几好呢~
热切期待下一个假期`

Fifth.
希望大家高二都可以顺顺利利啦~
(好out嘅对白...)
嗯,其实心想事成就最好~